Pret met patrone

Fynmotoriese ontwikkeling

Patrone help kinders om hul handspiere te versterk en beter beheer oor hul potloodgreep te kry,
wat belangrik is vir skryf.

Visuele persepsie
Deur patrone te herken en te herhaal, verbeter kinders hul vermoë om vorms, lyne en spasies raak
te sien, wat belangrik is vir lees en wiskunde.

Hand-oog-koördinasie
Patrone teken help kinders om hul oë en hande saam te laat werk, wat nodig is vir take soos skryf,
teken en selfs sport.

Kreatiwiteit en probleemoplossing
Wanneer kinders patrone ontwerp of voltooi, oefen hulle hul kreatiewe denke en leer hulle om
probleme op ‘n gestruktureerde manier op te los.

Voorbereiding vir skryfvaardighede
Baie letters en syfers bestaan uit herhalende patrone. Deur patrone te oefen, ontwikkel kinders
‘n sterk grondslag vir vlot en netjiese skryfwerk.

Hierdie aktiwiteit kan vir 4- 9 jariges gebruik word:

– Knip en bou die dobbelsteen
– Gooi die dobbelsteen en teken die patrone op die bladsye wat voorsien is. (Van links na regs en op die
tweede bladsy, van bo na onder
– Gooi die dobbelsteen en teken hare met die patrone vir die gesiggie

Hierdie aktiwiteit kan vir 10-15 jariges gebruik word:

– Knip en bou die dobbelsteen
– Gooi die dobbelsteen en teken die patrone op die leë mandalas wat voorsien is

Dink lekker kreatief en onthou om lekker baie kleure te gebruik!