Ek doen dit só – Boekie 17 – My huis

25 Bladsye in kleur + 25 Bladsye in swart en wit.

Ons sê graag dankie vir Curamus School For Autism wat ons so mooi bystaan en ondersteun met die ontwerp van hierdie boekies.

Hierdie boekie is ’n leerhulpmiddel wat spesiaal ontwerp is vir neurodiverse leerders om hulle te help om die verskillende dele van ’n huis en alledaagse aktiwiteite by die huis te verstaan. Die doel van die boekie is om kinders te help om woordeskat, begrip van ruimtes en roetines by die huis te ontwikkel.

Die aktiwiteite gebruik prente, knip-en-plak take, inkleuraktiwiteite en eenvoudige leesopdragte om kinders te help om te verstaan waar sekere dinge in die huis gebeur en watter items by verskillende kamers hoort.

Hierdie visuele en praktiese leer metode help kinders om hul omgewing beter te verstaan en daaglikse roetines te herken.

Afdelings / Temas in die boekie

1. My familie

Die kind teken of plak ’n prent van sy of haar familie.
Hierdie aktiwiteit help kinders om oor hul gesin te praat en hulself voor te stel.

2. Bou my huis

Kinders kleur ’n huis in volgens instruksies, byvoorbeeld:

• blou vensters

• bruin deur

• rooi dak.

Hierdie aktiwiteit help met kleurherkenning en begrip oor dele van ’n huis.

3. Die kombuis

Kinders kyk na verskillende prente en omkring items wat in ’n kombuis gebruik word, soos kos en kookgereedskap.

4. Dek die tafel

Die kind knip prente uit en plak dit op die regte plek om ’n tafel te dek met items soos:

• bord

• mes en vurk

• glas

5. Slaapkamer

Kinders identifiseer items wat nie in ’n slaapkamer hoort nie en pas items bymekaar deur lyne te trek.

6. Badkamer

Kinders omkring items wat in die badkamer gebruik word en trek ’n kruis deur items wat nie daar hoort nie.

7. My dag by die huis

Kinders knip en plak prente in die regte volgorde om ’n daaglikse roetine te wys, soos:

• word wakker

• borsel tande

• eet ontbyt

• gaan skool toe

• eet middagete

• speel of doen huiswerk

• badtyd

8. My troeteldiere

Kinders teken hul troeteldier en beantwoord eenvoudige vrae oor die dier.
Daar is ook ’n aktiwiteit waar kinders moet besluit watter diere troeteldiere kan wees.

9. Leesbegrip storie

Die boekie bevat ’n kort storie oor Ben se huis, gevolg deur vrae om leesbegrip te toets.

10. Luister en kleur volgens instruksies

Kinders kleur prente volgens spesifieke instruksies in, soos om sekere items in te kleur, te omkring of deur te kruis.

11. Kamers in die huis

Die boekie wys verskillende dele van ’n huis en verduidelik waarvoor elke kamer gebruik word:

• slaapkamer – waar ek slaap

• eetkamer – waar ek eet

• kombuis – waar ek kook

• waskamer – waar klere gewas word

• sitkamer – waar ek ontspan

• badkamer – waar ek bad

• speelkamer – waar ek speel

• tuin – waar ek buite speel.

Voordele van hierdie boekie vir die kind

Hierdie aktiwiteite help om belangrike vaardighede te ontwikkel:

• Woordeskat oor die huis en kamers

• Begrip van alledaagse roetines

• Visuele herkenning en kategorisering

• Leesbegrip deur eenvoudige stories

• Luister en volg van instruksies

• Fyn motoriese vaardighede deur knip, plak en inkleur

• Selfbewustheid deur oor hul eie huis en familie te praat.

Belangrike inligting

Hierdie boekie is beskikbaar in kleur sowel as swart en wit.

Dit word in PDF-formaat verskaf sodat dit maklik gedruk kan word.

Hierdie boekies mag nie herverkoop of versprei word nie.

Dit is Boekie 17 in die reeks.